Ingrid Christoffersen
Annika Suominen	Tina Cecilie Hauger

Forrige kamp vi spelte mot Fjell endte resultatet på utrulige 25-0 til Bergens flottaste innebandylag. Kanskje vi var for høge på oss sjølv, kanskje vi er lei av å vinne med så bra resultat; eitt eller anna var det i alle fall som gjorde til at vi ikkje klarte å prestere like bra denne gongen.  Så veldig gale kan ein vel eigentlig ikkje sei at det gjekk, vi vann tross alt 14-3, men å sei at heile laget fungerte optimalt kan ein heller ikkje seie.

Vi spelte relativt svakt frå start (noko vi som oftast plar å gjere), men kampen kom aldri skikkelig i gang. Det var tider der det var så vakkert spel frå Djerv si side at underteikna hadde klump i halsen, men i resten av kampen var det ikkje stort betre enn OK.

Fjell utnytta vårt sjanglande spel til det fulle og det var fleire gangar dei rett og slett var litt trugande. Hadde Fjell hatt eit betre angrepsspel så kunne dagens resultat vore noko heilt anna. Dei gjekk i kropp, dei kontra og gjorde ein del riktige bevegelsar som finta ut Djervs bakre tropp. Synd for Fjell at Djerv har ei maskin i mål som ikkje lar seg lure så lett.

Alt i alt var vi nok aldri særskilt redde for at Fjell skulle ta over kampen, men i neste kamp skal vi nok ikkje la dei ta så mykje kontroll.

Forfattar: A. L. Skaar

Copyleft © Djerv innebandy 2006